Notas
Oñeguenohẽtama ñe’ẽryru mbohapy ñe’ẽmegua qom-castallano-guarani
Agencia IP.- Qom tavayguakuéra heta ary omba’apo ha oñeha’ã rire, ijykerekuéra ikane’õ’ỹre ojepytaso ha oisãmbyhy karai Amadeus Benz, ojehupyty upe mba’e hecharamombýva omombarete ha omyasãi hag̃ua Qom ñe’ẽ ha arandukuaa, oñemohu’ã tembiapo oñemyatyrõjey rire ñe’ẽasa castellano ha guarani ñe’ẽndy oñembyatyva’ekue Qom ñe’ẽgui.
SPL guive omboaguyje ipy’aite guive karai Félix Galeano, Romualdo González ha maymavete oipytyvõva’ekuépe ikatu hag̃uáicha oñemohu’ãporã ko tembiapo.
Upévare, ombovy’a ikatúre oikuaauka, Qom tavayguakuéra rérape oĩvakue ndive oñemoñe’ẽmbajey rire ko ñe’ẽryru ha Editorial Atlas ñepytyvõme, ko’ág̃a oñeguenohẽtama ko ñe’ẽryru mbohapy ñe’ẽmegua qom-castallano-guarani.
Ko ñopytyvõ ndaha’éi mokoĩve temimoĩmby rembiapo añónte omombaretéva, katu avei upéva rupive oñeguenohẽta ko tembiporu ñe’ẽ rehegua tuichaiterei mba’éva opytátamava umi ñemoñare pyahu ko’ag̃agua ha avei umi oútavape.
Marandu: Paraguái Ñe’ẽnguéra Sãmbyhyha.
-
Notas1 semana hace
Arranca etapa de evaluación de proyectos habitacionales de «Che Róga Porã»
-
Notas1 semana hace
Creación de Universidad Rural del Paraguay dará más espacio de formación a los jóvenes
-
Nacional1 semana hace
AFD reduce sus tasas para fomentar acceso al crédito y estimular inversiones en el país
-
Notas1 semana hace
Paraguay: Una mirada profunda a su potencial como hub de producción