Oñeñangareko kuri tapichakuéra tesãi oikóva Boquerón-pe

 Agencia IP.- Táva Mariscal Estigarribia-pe, oñeñangareko kuri 400 tapichakuéra oiko mombyrýva. Ojegueraha kuri clínica médica, prenatal, odontología ha avei ecografía, test Chagas-rã, PAP, vacunación ha ambue mba’e mitãnguéra ha umi okakuaapámavape g̃uarã, he’iháicha peteĩ marandu Ministerio de Salud Pública rehegua.

Ko tembiapo ojejapo kuri Unidad de Salud Familiar (USF) Campo Loa ha Canaán, ha pe clínica móvil de diagnóstico omba’apo oñondive rupi.

Upe árape oñeñangareko kuri 412 tapichápe, hakatu 130 ha’e consulta médica, 87 odontología, 11 prenatal ha 33 ecografía. Avei, ojejapo 76 test Chagas-rã, ikatu hag̃uaicha ojehecha voive hasy ramo.

Avei, ojejapo 20 papanicolau (PAP), 22 porandu Programa Alimentario Nutricional Integral (PANI) rehegua ha 33 vakúna.

Pe clínica móvil ha umi mba’apohára USF Canaán ha Campo Loa omba’apóva kuri oñondive, oipytyvõ umi ñande ypykuéra tesãime, oikóva Macharety, Canaán, Ko’e Pyahu ha Jotoicha avarekohápe.